Larunbat honetan, otsailak 26, inauterietako tailerrak izango dira Kurtzio Kultur Etxean. Alde batetik, gurasoak umeei aurpegia margotzen ikasteko saioa egingo dute, 11:00etatik 14:00etara. Bestetik, 17:00etatik 20:00etara euskal inauteri tailerra egongo da. Bitartean, zabalik dago jada 2011ko mozorro lehiaketan (pdf) izena emateko epea. Martxoaren 6an egingo dute, 18:00etan, Larrabasterrako Urko kiroldegian. Beraz, hilaren 4a izango da apuntatzeko azken eguna. Iluntzeko zortziak arte egongo da horretarako aukera, Kurtzio Kultur Etxean; edo bestela 944 065 505 telefono zenbakira (astelehenetik ostiralera, 16:00etatik 20:00etara) deituta. Desfilearen egun berean ezin izango da izena eman, udal iturriek ohartarazi duetenez. Lehiaketa banakoentzat izango da, eta ez da talderik onartuko. Parte hartzaileek desfile-ibiltokian zehar desfilatu beharko dute. Argazkian, eskola-umeak Sopelako inauterietan / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun