Sopelak bigarren urtez hartuko du Emakumeen Neguko Surf Txapelketa. Uribe Kostako Irekiaren aurtengo edizioa asteburu honetan jokatuko dute, Mankomunitateak martxoaren 8ko Emakumearen Nazioarteko Egunaren inguruan antolatutako kirol ekintzen barruan. Antolatzaileek jakinarazi duenez, hitzordua martxoaren 5ean eta 6an jarri dute, Arrietara hondartzan. Txapelketa senior eta junior mailetako emakume surflari guztiei irekita dago, eta euskal kostaldean neguan jokatzen den emakumeentzako txapelketa bakarra da. Lehiaketan parte hartu nahi dutenek, Euskal Herriko Surf Federazioaren (EHSF) bidez eman dezakete izena, www.euskalsurf.com webgunean, ehsf[abildua]euskalsurf.com helbide elektronikoan edota 944 735 125 telefono zenbakian. Izen-ematea doakoa da eta martxoaren 3ko arratsaldeko ordu biak arte arte egin daiteke. Argazkian, Lore Eizagirrek irabazi zuen 2010eko martxoaren 7an jokatutako Open Uribe Kosta surf txapelketaren lehenengo edizioa / © Sopela.net.
Txapelketaren helburua da neska zein emakumeen kirol parte-hartzea sustatzea. Euskaltel da babesle nagusia, ondokoen laguntzarekin: BBK, Bizkaiko Foru Aldundiko Kirol Zuzendaritza, Coca Cola, "3sesenta" aldizkaria, EHSF, Xtreme Sport eta Sopelako Peñatxuri Surf Elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun