Andrea Uña izango da Erandioko Ezker Batuaren alkategaia
2011ko ots. 28a, 22:53
Andrea Uña Barrientos militante feminista eta Ezker Batuko Emakume Idazkaritzako arduraduna Erandioko alkategai aurkeztuko du EBk. Alderdi federalistak jakinarazi duenez, tokiko asanbladak izendatu eta Bizkaiko Batzar Iraunkorrak berretsi egin du bere hautagaitza. Uñak Javier Madrazoren aldeko jarrera izan du alderdiak bizi duen gatazkan, baina jakin izan du ere Mikel Aranarekin lan egiten. 1995etik hona makina bat hauteskundetako zerrendetan hartu du parte, beti Ezker Batuarekin eta beti Bilbotik, 1999an izan ezik, Gernika-Lumoko hautes-zerrenda osatu zuela. Besteak beste, Berdintasunerako Bilboko Emakumeen Kontseiluko kidea ere bada eta 20 urte daramatza Martxoak 8 eta Azaroak 25 Koordinadoran. Argazkian, Uña / © Andrea Uña Barrientos."Hiritarren benetako parte-hartze eraginkorra; gizon eta emakumeen arteko aukera berdinketa; herriko langabetuentzako lanpostuak sortzea; auzo guztietan aparkaleku gehiago sortzea; eta udal etxebizitzen eta BOEen eraikuntza bultzatzea" dira Uñak Erandiorako azpimarratu dituen helburuak. 2007an, 629 boto eta zinegotzi bat batu zituen Erandion Ezker Batuak, orduan Aralarrekin batera lehiatu zela. 2009ko otsailaren 25ean, berriz, Vicente Luciano Cubillas Rey zinegotziak bere dimisioa aurkeztu zuen "arrazoi pertsonalak" zirela eta. Handik hona, Ezker Batua - Aralar koalizioak ez du ordezkorik izendatu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun