Leioako udal garabiak 678 zerbitzu egin zituen 2010ean, eta horietatik jasotako diru sarrerak 40.642 eurotakoak izan ziren, tokiko arduradunek adierazi dutenez. Hala ere, "zerbitzu defizitarioa" dela nabarmendu dute, "Udalak 100.000 euroko gastua duelako urtean", garabia martxan jartzeko. Egindako irteera horietatik 489 trafiko arau-hausteengatik izan ziren, gainontzeko 189 zerbitzuak beste udal departamentu batzuei laguntzeko egin ziren. "Beraz, esan beharra dago ibilgailu pribatuak garraiatzeko egin izan ziren zerbitzuak 2009koen antzekoak izan zirela", aipatu dutenez. Udalean beste sei ibilgailu daude herritarrei zerbitzu desberdinak emateko: horietatik lau polizi-auto errotulatuak dira; beste bat atestatu furgoneta da; eta azkena errotulatu gabeko beste ibilgailu bat, ekintza administratiboak egiteko edota polizia patruilei laguntzeko. Argazkia: © Leioa.net.
Auto guzti horiek egindako kilometro kopurua murrizten joaten da urteak pasa ahala, batez ere oinez egiten direlako zaintza patruila asko eta kotxearen erabilera gero eta txikiagoa delako. Hau horrela, 2010ean 100.682 kilometro egin izan zituzten udal ibilgailuek; 2009an, aldiz, 106.521 kilometro izan ziren.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun