Arratsaldez, Telletxe plazan, haurrentzako tailerrak egongo dira eta, urtero legez, txokolatada eta bizkotxoak Zabala ikastetxean. Horien bidez, indarrak hartu ahal izango dituzte haurrek, 18:00etan hasiko den festan ondo pasatzeko. Kresala taldeak girotuko du. 21:30etik aurrera, berriz, Nuevo Talisman taldeak eskainiko du gazteentzako kontzertua.
Biharamunean, Agurra dantza taldearen erraldoi eta buruhandiak eta Simon Otxandategi taldearen zanpantzar eta Zuberoako inauterien pertsonaiak ibiliko dira Algortako oinezkoen guneetan zehar, eguerdian hasita. 18:00etan, Kresala taldeak Telletxe plazako festa girotuko du. 18:00etatik 20:00etara, berriz, kalejirak egongo dira, bertoko fanfarrea eta dantza taldeen eskutik. Eta 22:00etan, berriro ere, Kresalak joko du Telletxen.
Igandean, martxoak 6, erraldoi eta buruhandiak aterako dira kaleetara eguerdian eta, arratsaldean, Zasi Eskola eta Agurra taldeek Algorta erdialdean dantzatuko dute. 18:00etan, nagusientzako dantzaldia egongo da Algortako Kasinoan, Orquesta Galearen eskutik. Era, azkenik, 19:00etatik aurrera, Erdizka Lauetan erromeriak amaiera emango dio inauterien lehenengo asteburuari.
Bigarren asteburua
Martxoaren 11n, ostiralez, Txopolis fanfarreak eta Granujas a Todo Ritmo taldeak Algorta erdialdean arituko dira, 18:00etatik aurrera. 22:30ean Banda de la Maria taldeko doinuek festa eramango dute Portu Zaharreko agertokira. Azkenik, larunbatean, hilak 12, 18:00etan eta 19:00etan Txopolis fanfarreak eta La Banda del Surdo taldeak ibiniliko dira kalejiran. Azkenik, gaueko hamarretatik aurrera, Zain eta Gatiburen kontzertuaz amaituko dira inauteriak, Portu Zaharrean.
Eskola inauteriek abiatuko dute bihar Getxoko Kultur Etxeak prestatutako egitaraua
Inauteriek Algortako kaleak hartuko dituzte bihartik aurrera. Getxoko Kultur Etxeak antolatutako ekitaldiak bi asteburutan zehar luzatuko dira. Besteak beste, kaleko animazioaz, haurrentzako jarduerez, erromeriez eta kontzertuez gozatzeko aukera izango dute herritarrek. Ospakizunak erdialdeko oinezkoen guneetan izango dira, baita Telletxe plazan eta Portu Zaharrean ere. Azken gune horretan egingo dituzte kontzertu nagusiak, martxoaren 11n eta 12an. Bihar, ostirala, gazteenak izango dira protagonista inauterien hasieran. Horrela, Haur eta Lehenengo Hezkuntzako ikasleak kalera aterako dira urtero-urtero egiten duten mozorro desfilean, Getxo-Algorta eta Itzubaltzeta / Romo-Areeta inguruetan. Bi kalejira horietan 2.600 bat ikaslek parte hartuko dute. Desfileak bukatu ondoren, ikasleek musika-animazioaz eta zenbait ekitaldiz gozatu ahal izango dute Romo ikastetxean eta Algortako Telletxe eta Biotz Alai plazetan. Argazkian, eskola Inauteriak Itzubaltzetan / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun