“Ataraxia” ikuskizunaren estreinaldi absolutuarekin abiatuko da gaur Leioa Dantzan

Virginia Diaz eta Damian Muñozek sortutako La Intrusa Danza taldearen “Ataraxia” ikuskizunaren estreinaldi absolutuarekin hasiko da gaur, ostirala, Leioa Dantzan. Zikloa 2011ko Dantza Zirkuituaren barruan dago eta, horren bitartez, lau saio hartuko ditu martxoan zehar Kultur Leioak. Bigarren hitzordua hilaren 11n izango da, Organiken “Maniatic@s” lanarekin. Bitartean, L’explosek “EnOtraParte” aurkeztuko du martxoaren 25ean. Hiru ikuskizun horiek 20:30ean izango dira, eta sarrerak 10 euro balioko du. Azkenik, Maduixa Teatreren “Ras!” ikuskizunak itxiko du zikloa martxoaren 27an, igandea, 12:30ean eta 18:00etan izango diren emanaldiekin. Sarreraren prezioa 5 eurokoa izango da. Azken saio horiek 3 eta 6 urte bitarteko haurrei daudeo zuzenduta. Argazkia: © La Intrusa Danza.