Egitaraua:
12:00-14:30 Santa Eugenia plazan.
- Rokodromoa.
- Puzgarriak.
- Tailerrak.
- ...
12:30 Fanfarrea herrian zehar.
13:30 Santa Eugenia plazan.
- Haurrentzako Mozorro Lehiaketa.
18:00 Cervantes plazan.
Txokolatada.
18:30 Cervantes plazatik abiatuta.
Kalejira herriko kaleetan zehar.
21:00 Santa Eugenia plazan.
Erromeria Trikizio taldearekin.
--- eta gauean mozorro lehiaketa tabernek antolatuta.
“Erromo sorgindua” lelopean, larunbat honetarako, inauteriak ospatzeko ekitaldiak antolatu dituzte Romo eta Pinuetako Jai Batzordeak, Itzubaltzeta gaztetxeak, Zasi Eskola dantza taldeak eta Ziztu Bizian eskaut taldeak. Adin guztientzako jarduerak egongo dira: umeentako jolasak eta tailerrak, musika emanaldiak, sariketak... Gauzak horrela, 12:00etatik 14:30era izango dira txikientzako rokodromoa, puzgarriak eta tailerrak Santa Eugenia plazan. Tartean, umeen mozorro lehiaketa egingo dute 13:30ean. Ordu bete lehenagotik ibiliko da fanfarrea kalez kale. Arratsaldean, berriz, Pinueta aldean izango dira ospakizunak. 18:00etan, txokolatada egingo ditu Cervantes plazan eta, ordu erdi beranduago, bertatik abiatuko dira kalejiran. Santa Eugenia plazara bueltatuta, 21:00etan hasiko da erromeria, Trikizio taldeak girotuta. Gauerako, mozorro lehiaketa antolatu dute tabernek. Argazkian, orain bi urte dozena bat indio apatxe identifikatu zituen Ertzaintzak, Itzubaltzetako Inauterietan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun