Gaur Algortan ospatzekoa den urtebetetze jaia debekatu du Fernando Grande-Marlaska epaileak. Berau, Xabier Gallaga euskal preso politikoak urteak bete eta hilabete batera egitekoa da. Izan ere, atzo Dignidad y Justicia (DyJ) elkarte ultraeskuindarrak Espainiako Auzitegi Nazionaleko Guardia Epaitegian egin zuen debeku eskaera. Europa Press albiste agentzia espainolak zabaldutakoaren arabera, Grande-Marlaskak argudiatu du "pertsona mailako urtebetetze bat ospatzeko fikzioaren atzean" benetan Gallagaren "ibilbide kriminala goratu" nahi dela. Horregatik, Espainiako Polizia Nazionala, Ertzaintza eta Guardia Zibilari eskatu die aipatu ekitaldia eragoztea. Gainera, DyJk salatu bezala, Askatasuna erakunde ilegalizatua jo du ekimenaren egile, jaia Askatu.org eta Etengabe webguneen bidez zabaldu delako. Herrizaingo Sailak baieztatu du Grande-Marlaskaren autoa betearaziko duela, "behar diren neurriak hartuz". Argazkian, urteko azken ostiraleko Algortako kontzentrazioaren irudietako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun