Eta azkenean Hondarribiko ostalarien elkarteak atzera egin du adierazpen honen bidez. Ez da ahuntzaren gauerdiko eztula: pentsa ezazue nolako ponposoa egin duten jardunaldien aurkezpena Israelek espaniar estatuan duen enbaxadoreak, Hondarribiko alkateak (PNV) eta Iñaki Galdosek (H1!) (gaur zuten prentsaurrekoa Hondarribian), lau sukaldari isrraeldarren presentzia bertan behera utzi behar izan dute...
"Diario Vasco" egunkariak informazio eta gizarteratze lan hau 'mehatxutzat' kalifikatu du, Hondarribiko ostalarien oharrean 'presiotzat' kalifikatzen bada ere. Guri ez bata ez bestea ez zaigu gustatzen, eztabaida gizarteratu baita eta informazioa eman, besterik ez. Hala ere, Diario Vasco-k 'presioa' 'mehatxu' bihurtu du: 'presio' hitza sartzea informatzea litzateke eta 'mehatxu' hitza sartzea berriz, manipulatzea
Zorionez, herritar solidario askok ezin dugu goi mailako sukaldaritzaren aitzakian 'plater hau' irentsi, NBEren arabera ilegala den okupazio baten bidez ateratako ardo eta jakiak, alegia.
Gora herrion elkartasuna, Euskal Herria Palestina sarea aurrera!!!
Benetan gaude pozteko: elkartasunak garaitu du sionismoaren itxurakeria eta ez da erraza izan. Batetik solidarioak eta bestetik parte hartzaileak: Gipuzkoako foru aldundia, Israelgo enbaxada, Omer Miller, Eyal Lavie, Mika Sharon eta Yossi Elad sukaldari israeldarrak, eta Yarden Golan Heights Winery, Remelluri, la Rioja Alta SA, Marques de Murrieta, Finca Valpiedra, Conde de Valdemar, Luis Cañas eta Capçanes Israelgo eta Arabako Errioxako upategiak. Eta hala ere, bertan behera geratu dira jardunaldiok. Egun hauetan etengabeak izan dira borroka ideologikoan egin diren saioak: lagun palestinar bat Hondarribiko hainbat ostalariekin zuzenean hitz egitera joan zen, sare sozialetan hainbat lagunek Israelek Espainian duen enbaxadaren bozeramailearekin ika-mikan ibili ziren eta Hondarribiko udalari ere bidaltzen zizkioten iruzkinak, Noticias de Gipuzkoa egunkarian atzoko iritzi artikulua, Antxeta irratiko parte hartzea non, besteak beste, azaltzen den Irunen Pacbi manifestuarekin bat egin duten lagun guztiak eta udalaren jarrera salatu. Euskal Herria Palestina sareak ohar bat atera zuen herenegun antolatzaileen jarrera salatzeko eta boikotera deitzen... Argazkian, Israeli Boikot lelopeko elkarretaratzea Hondarribian / © Askapena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun