Felix Ayori dagokionez, Sestaon jaio zen eta nazioartean bakarlari moduan eta karrera kameristikoan eta diskografikoan egindako lanarengatik ezaguna da. Diploma 14 urterekin eskuratu zuen eta biolinaren eta ganbera-musikaren arloko Aparteko Lehen Saria lortu eta gero, ikasketak perfekzionatu zituen Parisen, Sienan eta Erroman. 18 urte zituela, “I Musici” talde ospetsuaren sortzaileetariko bat izan zen; gainera, hango lehen biolin bakarlaria izango zen 16 urtez. 1970. urtean, “Quartetto Beethoven di Roma” osatu zuen, pianoarekin kuartetorik onentzat hartutakoa. 1981. urteaz geroztik, Emma Jimenez piano-jotzailearekin batera jo du eta horrezaz gain irakaskuntzan aritu da.
Bigarren eguna
Bigarren egunean, Robert Schumann omenezko lied kontzertua izango da, Rodolfo Albero tenorraren eta Manuel Ariza piano-jotzailearen eskutik. Bikoteak musikagile alemaniarraren lied bilduma interpretatuko du, Heinrich Heineren olerkietan oinarritutakoak, eta baita beste egile batzuen (Tosti, Bulakhov eta Gounod, besteak beste) piezak ere.
Euskal Kammerphilharmonia ganbara taldeak eta Felix Ayo biolin-jotzaileak bihar, martxoak 8, zabalduko dituzte Getxoko 26. Kontzertu Klasikoak. Zikloak ostiralera arte iraungo du eta, aipatutako saioaz gain, Rodolfo Alberoren eta Manuel Arizaren lied errezitaldia eta Victoria ganbara taldearen eta Josep Colomen kontzertuak hartuko ditu. Saio guztiak Areetako Andres Isasi musika eskolan izango dira 19:30ean. Euskadiko Orkestra Sinfonikoan, Bilboko Orkestra Sinfonikoan, Musikene Euskal Herriko goi mailako musika ikastegian eta Cote Basque Eskualde Orkestran ibilbide artistiko bikaina duten musikari profesionalek osatuta, Kammerphilharmonia azken barrokoaren eta Vienako klasizismoaren arteko errepertorioa bilatu duen EAEko lehen ganbera-orkestra profesionala da. Musikaren historian talde sinfoniko handiek gutxi jorratutako garaia da hori eta, era horretan, tarte oso aberasgarria bete du, kultura eta pedagogia aldetik funtzio oso garrantzitsua duen aldi berean. Argazkian, Euskal Kammerphilharmonia ganbara taldea / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun