Manu Etxebarria Getxo Rugbyko presidenteak Udalak eta herritarrek emandako laguntza eta taldeko maila guztietan egiten ari den lana ere eskertu zituen. Horren harira, Etxebarriak adierazi zuen “gure eginkizunarekin jarraituko dugula, hots, errugbia gazteen artean, gaztetxoenen artean hain zuzen, zabaltzen, Getxon zaletasun sanoa sortzen joan dadin, etorkizunean dagoeneko lortu ditugun beste garaipen, edo gehiago, emango dizkigunak”. Alkatearen eta Rugby Taldeko presidentearen berbaldiak amaitutakoan, Landak igoeraren oroitzapenezko plaka eman zion Etxebarriari, eta Ohorezko B Mailako liga txapelketaren titulua ospatzeko garaikurra taldeko kapitainari.
Ikusi harrera ekitaldiko argazkiak (© Getxoko Udala):
Getxo Artea Rugbyko gizonezkoen lehen taldeak Udalbatzaren esker ona jaso zuen atzo, astelehena, Espainiako Ligako Ohorezko A Mailara bueltatzea lortzeagatik, udaletxeko batzar areto nagusian izandako harrera-ekitaldian. Omenaldi horren buru izan zen Imanol Landa alkatea, eta berarekin batera egon ziren zenbait zinegotzi eta Udalean ordezkaritza duten alderdi politikoetako hainbat ordezkari. Klubaren aldetik, zuzendaritzako kideak izan ziren, Manu Etxebarria presidentea buru zutela; baita teknikariak eta Bryce Bevin entrenatzailea eta taldeko jokalari ugari ere. tartean Natxo de Lazaro kapitaina zegoela. Hitza hartu zuen lehenengoz alkateak, Ohorezko B Mailara duela bi urte jaitsi zenetik kirol elkarteak abiatutako birsorkuntza prozesua eta uste baino lehenago lortutako eliterako buelta nabarmentzeko. Landaren hurrengo berbak Getxo Rugby Taldearen "familiarentzat" izan ziren zuzenean. Esan zuenez, “kluba egin eta eraikitzeko era horren aldeko apustua egiten jarraituz gero, oinarritik eta gure jendearen inplikazioarekin, ia dena da posible”. Udal agintariak otsailaren 20an Les Abellesen aurka Faduran bizi izandako norgehiagoka ere gogora ekarri zuen: “partidu epikoa izan zen, emozioz, artegatasunez, eta azkenik, pozez beterikoa”, aipatu zuenez. Egun horretan lortu zuten igoera hori-beltzek. Argazkia: © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun