ELA, LAB eta ESK sindikatuek mobilizazioak iragarri dituzte Osakidetzan martxoaren 22, 23 eta 24rako. Aipatu erakundean gehiengoa duten sindikatuek azaldu dutenez, Eusko Jaurlaritzako agintariek "murrizketa politikarekin jarraitzen dute eta ez diete jaramonik egiten sindikatuek mahai gainean jarritako aldarrikapenei". Beraz, protesta egitea erabaki dute. Ez dute zehaztu mobilizazioak zein eratakoak izango diren, baina ospitaleez gain, lehen mailako arretako zentroei eragingo die. Hiru sindikatuen arabera, "Osasun Sailak ezarri berri dituen murrizketek osasun arreta publikoa geldiaraz dezakete". ELAk, LABek eta ESK-k adierazi dute egoerak "gainezka" egin dezakeela itxaron zerrendetan, eta bezeroek egoera hori pairatzen dutela. Sindikatuek kritikatu dute Osasun Saila proiektu "ameslarietan murgilduta" dagoela eta horrek sistema akitzen duten arazoekin zerikusi gutxi duela. Argazkian, Etengabeko Atentzio Guneetako langileek hilaren 5etik 11ra, martxoaren 19tik 25era eta apirilaren 2tik 8ra jarrita dauzkate lanuzteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun