Sariak ez dira nolanahikoak izango, talde irabazleak lau lagunentzako asteburuko egonaldia lortuko baitu landetxe batean. Bigarren, hirugarren eta laugarren geratzen diren taldeek, berriz, lau kiderentzako afari bana eskuratuko dute. Jada eskuragarri daude (lotura honetan) txapelketaren oinarriak, aurtengo esaeren zerrenda eta bakoitzaren azalpena.
Ikusi iazko argazkiak:
Sopelako Esaera Zaharren Txapelketaren 18. edizioa apirilaren 2an jokatuko da, Nikola AEK euskaltegiak antolatuta. Horretan, Arkaitz Estiballes Bizkaiko Bertsolari Txapelketaren irabazleak hartuko du parte, Alaia Martinekin batera. Eurek botako dituzte bertsoak arratsalde partean, taldeek horien baitan ezkutatzen diren esaera zaharrak zein diren asma ditzaten. Gainera, ezin ahaztu apirilean bertan daukagula Korrikaren 17. edizioa. Ohi bezala, herrian zehar jokatuko dira txapelketako lehen kanporaketak goizeko 11etatik aurrera, musikak eta bertsoek lagunduta. Finalerdia eta finala, berriz, Ander Deuna Ikastolan izango dira. Izena emateko epea martxoaren 28ra arte egongo da zabalik. Horretarako, 618 574 445 edo 695 774 015 telefono zenbakietara deitu edo honako posta elektronikoetara idatz daiteke: jose-p[abildua]aek.org eta aitor-f[abildua]aek.org. Inskripzioa 10 eurokoa da taldeko eta bazkarirako txartela 18 eurokoa pertsonako. Argazkian, iaz txapelketara zein parrandara batu zirenen talde argazkia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun