Josu Landaluze Sopelako EAJren alkategaiak auzokideen iritzia ezagutzeko "Sopelanaz (sic) berba egin dezagun" lelopeko kanpaina berriari ekin dio. Bere ustez, "sopeloztar guztiok gure herrian hobetu daitezkeen zerbitzuei buruzko iritzia emateko hausnarketa prozesua" da berriki zabaldu dutena. Landaluzek auzotarrei etxera igorritako inkestan adierazi dienez, "niretzat benetako garrantzia du" Sopelan "hobetu daitezkeen gauzei buruz zer pentsatzen duzun jakiteak". Bertako emaitzen bidez, tokiko EAJren hauteskunde programa aberastu nahi dute. Egun alkateordea den Josu Landaluzek berak parte hartu zuen aurrekoan inkestaren banaketan. "Deia" egunkariari adierazi zionez, auzokideen parte-hartzea "ez da hauteskunde kanpainan egingo dugun zerbait, udaletxean daramatzadan azken bi urteotan egiten nabilena baizik". Argazkian, Landaluze.
Inkestak batzokian, Landaluzeren josulandaluze.blogspot.com blogean zein Facebook-eko orrian utzi edo komentatu daitezke. "Auzokideen iradokizunak itxaron eta filtratuko ditugu. Ostean, zentzuzkotzat jotzen ditugunak martxan jarriko ditugu" dio hautagai jeltzaleak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun