Jaia kendu nahi digute kanpainaren oharra
Aupa, ekimen hau sortzen ari gara Plentziako tabernen gaur egungo egoera zuei azaltzeko. Azken denboraldian, Ertzaintzaren partetik jarraipen bat jasaten ari gara eta orduz pasatzen garen bakoitzean tabernetara etortzen dira udaletxera bidaltzen dituzten ordutegi-aktak jarriz. Udaletxeak tramitatzen dituen ala ez erabakitzen du eta tramitatzekotan isunaren kopurua. Hori dela eta, aurtengo neguan ez gabilz iazkoan bezalako gehie...gikerietan eta horrek, normala den bezala, zuetako askok beste herri batzuetatik irtetea erabakitzea eragin du Plentzian jaia goizeko 3etan, ordutegi murritza, bukatzen dela kontutan hartuz. Azken hileotan gure asteburuko bezerian, gutako gehiengoaren diru-sarrera nagusia, jaitsiera handia nabari izan dugu.
Plentziako udaletxeak isun guztiak tramitatzea erabaki du kantitate garrantzitsu eta gehiegizkoak ezarriz. La Kalan jaso dugun azken isuna Gabon gauekoa (!!????!!), ordutegiak inork errespetatzen ez dituen gauekoa, da, eta udaletxeak 1.200 eurotako isuna inposatzea eta taberna hilabetez ixtea!!!! erabaki du. Beste tabernetako egoera gurearen antzekoa da.
Bezeriaren jaitsiera, isun mordoa eta udaletxearen aldetiko bermatze falta totala direla eta, negu honetan gure kasuan ixtea proposatzera ere eroaten gaituen beheraldia igarotzen ari gara portuko tabernak, baina hori gertatu baino lehen jendea mugiarazi eta protesta ekintza ezberdinak antolatu nahi ditugu. Udaletxeak herriko jendearen benetako gogoak zeintzuk diren ikus dezan eta auzokide gutxi batzuen kexez bakarrik gida ez daiten.
Poliki-poliki hasiko gara; hortaz, gure lehen urratsa sinadura-bilketa bat izango da, gehiegizko isunen aurka eta behin-betiko ordutegi gehikuntza eskatuz. Testua hurrengoa da:
"Plentziako tabernetan Udaletxearen aldetik inposatzen ari diren isun ekonomikoen eta La Kala-ren behin-behineko itxieraren aurka nago. Horrez gain, ordutegi-gehikuntza, orokorra eta behin-betikoa eskatzen dut".
Parte hartu gura baduzue, La Kala, Santi's edo Atxikitik pasa zaitezkete sinatzera. Bakoitzak behin bakarrik sinatzea garrantzitsua da eta oraingo honetan zuen laguntza eskatzen dugu, gehiago garen artean harik eta handiagoa izango da udaletxeari gauzak birplantea ditzan sartuko diogun presioa, eta guztiok gura duguna berriz izan dezagun, festa-giro ederra herritik irten barik.
Azken hilabeteotan, bezero gutxiago nabari dute Plentziako tabernek, batez ere portuaren ingurukoek. Baina, beste herrietan ez bezala, kexu iturria ez dute tabakoaren legea, Plentziako Udalak goizaldeko 3ak arteko ordutegia isunez blindatu izana baizik. Horrek bezero "askok beste herri batzuetatik irtetea" eragin du. "Azken hileotan gure asteburuko bezerian, gutako gehiengoaren diru-sarrera nagusia, jaitsiera handia nabari izan dugu", adierazi dute Arraun kaleko La Kala ostatuko jabeek. Ostalari horien arabera, Ertzaintzak jarraipen estua egiten die eta Udalak ordutegi-akta guztiak tramitatu eta isunak bihurtzea deliberatu du. Jaso duten azken isuna 1.200 euro eta hilabeteko itxiera izan da, Gabon gauean berandu ixteagatik. Gauzak horrela, neguan taberna ixtea pentsatu dute, baina erabaki traumatiko hori hartu baino lehen egoera azaltzeko eta Udalaren aurrean hiritarren babesa eskuratzeko sinadura bilketa abian jarri dute, "Jaia kendu nahi digute" lelopean. Santi's, Atxiki eta La Kala tabernan bertan sina daiteke. Argazkian, Plentziako udaletxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun