Egitaraua:
Martxoak 11, ostirala
- 18:00 “Espazioko piratak” umeentzako berbena, Josu Murueta plazan.
- 19:00 Kaleko musika animazioa, La Joven Mafia txarangaren eskutik, Josu Murueta plazan eta Lubarri-Trabudu oinezkoen alderdian.
Martxoak 12, larunbata
- 11:00-14:00 / 16:00-18:00 Umeentzako tailerrak era puzgarriak, Josu Murueta plazan (eguraldi txarra egiten badu, kultur etxean).
- 18:00 Euskal inauteri tradizionala, Trabudu Dantza Taldeak antolatuta: Lantzeko inauterietako folklorearen errepresentazioa eta kalejira.
- 19:30ean, txokolatada.
- 20:30 Nagusientzako Mozorro Lehiaketa (koadrilak).Parte-hartzaile guztiek izena eman beharko dute, 19:30ettik 20:30era, kultu etxean. Parte hartu ahal izateko, 14 urte baino nagusiagoa izan beharko da, eta, gutxienez, bost pertsona izan beharko dira guztira. Izena ematen dutenek ezartzen diren probetan parte hartu behar izango dute. 300, 200 eta 100 euroko hiru sari egongo dira.
- 22:00 Kaleko musika animazioa, Batukando perkusio taldearen eskutik, Josu Murueta plazan eta Lubarri-Trabudu oinezkoen alderdian.
Martxoak 13, igandea
- 11:00-14:00 / 16:00-18:00 Umeentzako tailerrak eta puzgarriak, Josu Murueta plazan (eguraldi txarra egiten badu, kultur etxean).
- 13:00 Kalejira, Udal Musika Bandaren eskutik, oinezkoen alderdian.
- 18:00 Inauterietako Mozorroen Haur Lehiaketa, Josu Murueta plazan (eguraldi txarra egiten badu, kultur etxean). Parte-hartzaile guztiek derrigorrez eman beharko dute izena, 17:00etatik 18:00etara, haurrentzako tailerren inguruan. Parte hartu ahal izateko, 14 urte baino gutxiago izan behar da. Izena ematen dutenek ezartzen diren probetan parte hartu behar izango dute. Epaimahaiak, guztira, bost sari banatuko ditu parte-hartzaileen artean.
- 19:30 Txokolatada, Josu Murueta plazan.
- 20:00 Erandioko Aratusteen Amaiera 2011: "Element's ikuskizun ibiltaria, Josu Murueta plazan eta Lubarri-Trabudu oinezkoen alderdian.
Bihar abiatuko dira inauteriak Astrabuduan
2011ko mar. 10a, 19:34
Joan den asteburuan Altzagan eta Erandio Landan ospatu zituzten inauteriak. Bihar, berriz, Astrabudua aldera egingo dute salto aratusteek; horietan ere Erandioko Udalak zein herriko elkarteek antolatutako ekimenak nahastuko direla. Horrenbestez, “Espazioko piratak” umeentzako berbenak emango die hasiera ospakizunei. Hitzordua arratsaldeko seietan jarri dute, Josu Murueta plazan. Ordu bete beranduago, berriz, La Joven Mafia txaranga ibiliko da kalez kale. Larunbatari dagokionez, Lantzeko inauterietako folklorearen errepresentazioa egingo dute Trabudu dantza taldeko kideek, 18:00etan. Eta, ordu eta erdi beranduago, txokolatea dastatzeko aukera izango dute txikiek. Azkenik, igandean egingo dute Erandioko aratusteen amaiera jaia, "Element's" ikuskizunaren bitartez. Azken ikuskizun hori 20:00etan izango da, Josu Murueta plazan eta Lubarri-Trabudu oinezkoen alderdian. Argazkian, eskualdeko herri gehienetan ospatu zituzten inauteriak joan den asteburuan / © Getxoko Kultur Etxea. Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun