"Martxoa antifaxista Sopelan" lelopean, datozen egunetarako ekitaldi ugari antolatu dituzte Sekeko gaztetxeak, Ahaztuak 1936-1977 elkarteak, Plaza Beltza herri kultur-guneak eta Cable Street Beat-Euskal Herria elkarteak. Horrenbestez, larunbat honetan, arratsaldeko seietan, herriko kaleetatik ikur faxistak kentzen hasiko dira, udaletxeko plazatik abiatuta. Iluntzeko zortzietan, berriz, RAC musikaren inguruko hitzaldia eta erakusketa egingo dute Sekekon, Cable Street Beat-Euskal Herria kolektiboaren eskutik. Azkenik, gaueko hamaiketatik aurrera, ska jaia izango da gaztetxean. Bertan, Maiakovski eta Upstart DJek jarriko dute musika. Hurrengo asteari begira, ostegunean, martxoak 17, oroimen historikoari buruzko hitzaldia eskainiko du Martxelo Alvarez Ahaztuak 1936-1977 elkarteko kideak. Hitzordua 19:00etan jarri dute Plaza Beltzan. Argazkian, oraindik inguruan dauzkagun ikur faxistetako bat / © Sopela.net.
Egitarauarekin jarraituz, hilaren 19an, larunbata, Burdin Gerrikoaren azternen bila arituko dira Santa Mariñe haitzetan barrena, Urdulizen. Goizeko 9:30ean abiatuko dira udaletxeko plazatik. Amaitzeko, hilaren 20an, igandea, "Antifa. Cazadores de skins" dokumentala proiektatuko dute gaztetxean, 18:30ean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun