Sortu ezker abertzaleko alderdi politikoak berretsi egin du "edozein bortxaren aurka" dagoela, besteak beste, Berria.info agerkariak zabaldu duenez. "Indarkeria ez dugu errefusatzen giza eskubideen urraketen arteko ekidistantzia posizio batetik, urraketa guztien arbuiotik baizik. Gainontzeko eragile politiko, sindikal eta sozialekin batera indarkeria oro desagertzeari —ETArena ere espreski— gure ekarpena egin nahi diogu, era aktiboan. Euskal gizartearen nahi horrekin bat egin nahi du Sortuk, inoiz inork ez dezan indarkeria erabil proiektu eta ideia politikoen defentsan", adierazi du alderdiak gaur, prentsa ohar batean. Bitartean, biharko, ezker abertzalea legezta dezatela eskatzeko elkarretaratzea deitu dute Algortan. "Eskubide zibil eta politikoen alde: legalizazioa orain!" lelopean, iluntzeko zortzietan batuko dira Txelletxe plazan. Argazkia: cc-by-sa Zuzeu.com (LGPL, egile ezezaguna).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun