Gonzalo Artiach Meda enpresari getxoztarra, Galletas Artiach enpresako zuzendari ohia eta Confebask ugazaba erakundearen sortzailea eta CEOE kide ohia zendu zen atzo arratsaldean Getxo udalerrian. "El Mundo" egunkariak jakinarazitakoaren arabera, Artiachek 68 urte zituen eta azken urteotan ELA izeneko esklerosia pairatzen zuen. 1963an Enpresa Zientzietan graduatuta, aurretik Ingalaterran hasi zen lanean. Ondoren, Lyon eta Parisen egingo zuen behar. 1969an Sagarduy SA elektrotresna enpresako zuzendaritza hartu eta bertan aritu zen zazpi urtez. 1977an, berriz, Galletas Artiach SA familiak sortutako enpresan sartu eta sei urtez aritu zen bertan, Bilboko uholdeek lantegia txikitu eta sendi negozioa Nabisco Brands nazioartekoari saldu egin zion arte. Elizkizunak bihar egingo dituzte, Neguriko Loiolako San Inazioren elizan, 12:30ean. Argazkian, Artiach etzanda Antonio Basagoitirekin hizketan, iaz / © Elaandalucia.es.
Familia enpresa laga aurretik, Bizkaiko Industria eta Merkataritza Zentroan, egun Bizkaiko Enpresarien Konfederazioa (CEBEK) bezala ezaguna dena, lehen presidentea izan zen 1976a eta 1989 bitartean. Tartean, Confebask sortu zuen 1983an. Era berean, "El Mundo del Pais Vasco" egunkariko Edizio Kontseiluko kidea ere izan zen. Azkenik, iaz "Tambor. El mundo segun Gonzalo Artiach" gogoeta liburuan parte hartu zuen, etekinak pairatzen zuen ELA gaixoei bideratu zizkiela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun