Itzubaltzeta Gaztetxearen Lagunak plataforma sortuko dute iluntzean

Gaur iluntzeko 7etan, Itzubaltzeta Gaztetxearen Lagunak herri ekimenaren lehenengo batzar irekia izango da Itzubaltzeta / Romoko zentro sozialean. Plataformako bultzatzaileek zabaldu dutenez, une honetan gaztetxeak "herriaren laguntza beharrezkoa" du. Izan ere, pasa den abenduan, Eusko Jaurlaritzaren menpeko Uraren Euskal Agentziak (URA) Gobela ibaian ekin dion proiekturako lurrak desjabetzeko, bi milioi euroko kreditua bideratzea onartu zuen Getxoko Udalbatzak. Gazteen zentro autogestionatua lanak egin nahi dituzten guneetako batean, Errekaganen, dago kokatuta. Gaztetxetik behin eta berriro salatu dute Gobelako lanak "aitzakia" direla haiek bertatik kaleratzeko, Ibaizabalera doan Valdes ubideari esker Errekaganen uholde arriskurik ez baitago. Argazkian, Folixa Asturiana da gaztetxearen ekimenik ezagunetariko bat.