Espainiako Auzitegi Konstituzionalak Albaro Arri "Muni" Algortako preso politikoaren aurkako zigorra murriztu zuen pasa den otsailaren 28an, nahiz eta herenegunera arte, osteguna, "Gara" egunkariak jakinarazi zuen arte ez zen zabaldu. Konstituzionalaren aburuz, presoa zigortu zuen Espainiako Auzitegi Nazionalak ez zuen zehaztu zenbat pertsona zihoazen Arrik 1994ko uztailaren 29an Madrilen bonba-autoz leherrarazten lagundu ei zuen Espainiako Armadako furgonetan. Ekintza horregatik, 2005ean Audientzia Nazionalak Arriri 208 urteko espetxe zigorra ezarri zion, haietako 186 urte hamaika erailketa saiakerengatik eta hondamen terroristagatik. Tribunalaren sententziaren arabera, ETAko kideek furgoneta horretan egunero hamaika militar bidaiatzen zutela bazekiten. Hala ere, epaian ez zen aipatzen atentatu egunean militar guztiak ibilgailu barruan zeuden ala ez. Argazkian, "Audientzia Nazionala, stop" lelopeko elkarretaratzea Algortan.
Auzitegi Gorenak Arriren defentsa helegitea atzera bota zuen ezarritako zigorrak gehienezko betetze kondenara ailegatzen zelako, hau da, 30 urte. Hala ere, Konstituzionalaren arabera, aurreko bi auzitegiek ez zuten frogatu atentatua jasan zuen ibilgailuan hamaika pertsona zihoazela. Horrezkero, Arriren errugabetasun eskubidea urratua izan dela uste du. Dena den, preso algortarrak espetxean jarraituko du.
Epaiketa sorta iraun bitartean, Arri Pascualen abokatuek etengabe mahaigaineratu dituzte "prozesu honetan izandako akats ugari eta nabarmenak". Horretaz gain, "akusazioak izan zuen froga falta, torturaren bitartez eskuratutako deklarazio batzuekin ordezkatu zuten, nahiz eta deklarazio haiek bakarrik deklarazio polizialak izan, eta gainera, gero, epailearen aurrean ukatu eta adierazi eragindako torturen ondorio zirela", salatu du behin baino gehiagotan Amnistiaren Aldeko Mugimenduak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Espainiako Auzitegi Konstituzionalak Albaro Arri "Muni" Algortako preso politikoaren aurkako zigorra murriztu zuen pasa den otsailaren 28an, nahiz eta herenegunera arte, osteguna,