Txakolinaren Areto Profesionala hartuko du arratsaldean Bizkaiko Txakolinaren Museoa den Leioako Mendibile Jauregiak. Bertan, 2010eko txakolin uzta eta ekoizpen handiena sortu duten 16 upeltegiak aurkeztuko dituzte. Ardo gozoak dastatze ekitaldia arratsaldeko 17:30ak eta 20:30ak bitartean izango da eta bertan parte hartzeko Bizkaiko Txakolina Jatorrizko Deituraren Kontseilu Arautzaileak zenbait gonbidapen egin ditu, tartean Interneteko sare sozialen bidez. Ekoizle bakoitzak lortutako zaporeez gain, Burgosko "chacoli"-ren gatazkaz ere hitz egingo da ziurrenik gaurkoan. Ekitaldian, besteak beste, upeltegien arduradunak, Eneko Arruebarrena Leioako alkatea, Joseba Estiballes Mendibileko idazkaria, Elena Unzueta eta Antxon Txapartegi Bizkaiko Txakolineko presidentea eta idazkaria eta Irene Pardo Nekazaritza foru diputatua izango dira. Argazkian, eskualdeko zazpi bertsolari Mendibilen txakolinez topa egiten iaz Bizkaiko Bertsolari Txapelketaren aurretik.
Bizkaiko Txakolinaren aitortutako guztizko produkzioa 1.170.378 litrokoa izan da 2010ean eta horrek esan nahi du %5,6 jaitsi dela aurreko kanpainan bildutakoarekin alderatuta, nahiz eta aurten Jatorrizko Deituraren izenpean dauden mahastiei 4 hektarea erantsi zaizkien eta beraz guztira 342 hektarea dauden.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun