Getxoko Zientoetxe kaleko bidegorria txirrindularientzat arriskutsua dela salatu du gaur Getxoko Alderdi Popularrak. Marisa Arrue alkategai popularraren aburuz, bidegorria txarto diseinatuta dago. Bere ustez, "errepidearen estutasunak ibilgailuek bidegorria inbaditzea eragiten du, hortik ibiltzen diren txirrindulariak arriskuan jarriz. Getxoko Udalak erabiltzaileak arriskuan jartzea besterik egiten ez duen bidegorria diseinatu izana lotsagarria da". Egoera hobetzeko, bidegorria babestu ala ixtea eskatu dute. "Eguraldi hona heltzear dagoela eta erabiltzaileen kopurua nabarmen handituko denean, hildakorik ez izatea espero dugu. Ekin egin behar zaio gerora damurik ez izateko", premiatu dute Udal Gobernua popularrek. Horretaz gain, "amaitu berri den bidegorrian" autoen eraginez margoa jada ezabatuta dagoela kritikatu dute PPkoek. Argazkia: © Getxoko PP.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun