Eusko Jaurlaritzako Herrizaingo Sailak abisu horia ezarri du gaurko, astelehena, haize-bolada gogorrak izateko arriskuagatik. Jakitera eman dutenez, baliteke barnealdeko zonaldeetan 100 km/h-tik gorako haize-ufadak izatea. Gainera, ez ageriko zonaldeetan, 70 km/h-raino hel daiteke haizea, ekialdean bereziki. Euskalmet Euskal Meteorologia Agentziaren arabera, hodeiak ugarituz joango dira asteartean zehar eta oraindik, euria izango dugu hizpide. Haizea ahulago ibili eta aldatu egingo da, hegoaldetik iparraldera. Horregatik, kantaurialdeko eskualdeetan tenperatura jaitsiko da, gutxi bada ere; gainontzeko lekuetan ez da aldaketa handirik espero. Asteazkenean eguraldiak goibeltzera egingo du eta lurralde osoan giro euritsua espero da. Hala ere, egunaren amaieran hegoaldean atertzera egingo du, ez ordea iparraldean. Tenperaturak ere behera egingo du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun