Txoriphoto lehiaketaren kartela
Bost urte beteko ditu aurten Getxoko Txorimalo gaztetxeak eta, apirilaren 12 eta 16 bitartean egingo diren ospakizunekin hasi baino lehen, Txoriphoto argazki txapelketa antolatu dute Algortako Gazte Asanbladakoek (AGA). Irudien gaia "bost" zenbakiarekin harremana izan beharko du eta lanak aurkezteko epea apirilaren 2ra arte luzatu dute. Ondoren, argazki guztiak ikusgai egongo dira Algortako Aldai Patronatuan. Irabazlea bozka herrikoiaz aukeratuko dute. Hortaz, nahi duenak, apirilaren 4tik 16ra bitartean, gustukoena duenaren alde bozkatzeko aukera izango du. Lanak paperean eta gutun azal baten barruan aurkeztu beharko dira parte-hartzailearen izen-abizenak eta harremanetarako kontaktua jarriz. Horiek UK, Ajuria, Amnistia, Eztabaida edo Txorimalo gaztetxean bertan aurkez daitezke. Hala ere, antolatzaileek jakinarazi dutenez, argazkiak sastrakagaztetxea[abildua]hotmail.com posta elektronikora ere bidal daitezke. Argazkian, Txorimalo gaztetxea, okupatu berri.
"Badator 5. urteurrena!" bideoa, Algortako Gazte Asanbladaren eskutik
Txoriphoto lehiaketaren kartela
Txoriphoto lehiaketaren kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun