Inauterietarako prest dago jada Berango. Aurtengo edizioan Txina izango dute oinarri ospakizunek. Euskal dantzak ere ez dira faltako, Simon Otxandategi taldeak maskarada hurbilduko baitu udalerriko auzoetara. Larunbat honetan, martxoak 19, izango da jaitsiera, Deabru Beltzak taldeak alaituta. Kalejira Berangoetako kultur etxetik abiatuko da 18:30ean, udal pilotalekuan amaitzeko. Dragoi txinatar bat izango du aurrean. Bitartean, parte-hartzaileek beraien mozorro eta makillajeen originaltasuna erakusteko aukera izango dute. Neska-mutil asko kultur etxeak hilean zehar egindako tailerretan ibili dira jantziak prestatzen. Haurrentzako dantzaldia eta txokolatada ere izango dira frontoian. Horretaz gain, igandean, Simon Otxandategi dantza taldeak zeharkatuko ditu Berangoko kaleak, maskarada antzeztuz. Lantzartetik aterako dira 11:15ean, Axgane auzotik eta Karabiganetik igaro, eta Sabino Arana kalera heltzeko, 13:15ean. Haurren dantza taldeak emanaldia eskainiko du gero, frontoian. Argazkia: cc-by-nc-sa SebKe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun