Kafe usainaz kutsatutako akordeez lagunduta, Mariaren ahots goxoak laztandu egin zaitzake lehen estrofan, leloan bortizkeriaz kolpatzen zaituen bitartean. Kalitate eta eskarmentu handiko musikari gazte bi elkartzen dira beraien talde gogokoenetakoen kantuak era akustikoan bertsioak egiteko.
Gitarra akustikoan Eriz aurkituko dugu. Krasis, Versen edota Amaiur taldeetan gitarra elektrikoa astintzeaz gain, bere alde lasaia erakusten digu Hutsa bikotean. Ahotsean berriz, Maria, Apurka talde akustikoari amaiera eman ondoren soinu gogorragoetan dabilena gaur egun Siroka taldearekin. Orain doinu lasaiagoekin aurkezten zaigu bere ahotsaren goxotasun eta indarraz goza dezagun.
Hutsa ta Doblearen aurkezpen bideoa (© Hutsa ta Doblea)
Leioako Kurkudi kultur taldearen ekimenez, etzi, ostiralarekin Hutsa ta Doblea bikote musikalak joko du Kurkudi tabernan bertan. "Kafeaz gozatzeko musika lasaia" entzuteko hitzordua gaueko 21:30ean jarri dute. Hutsa ta Doblea izena nahiko berria izan arren, Balmasedako Maria Riveroren eta Urduñako Eriz Perezen ekimena ez da hain berria, aurretik Akeitaren izenpean ere jo dutela. Baina, batez ere, Siroka eta Krasis taldeetan jotzen dutelako eta Apurkan eta Amaiurren ere ibiliak direlako dira ezagunak. Muntai minimalista baten bidez (bi aulki, bi mikro, gitarra bat, pedalak, Maria eta Eriz), "kafeaz gozatzeko aukera paregabea" eskaintzen dute: "lasaitasuna, sentimenduz beteriko akordeak, ezagun egingo zaizkizuen abestiak eta agian hain ezagunak ez diren batzuk ere..." baitira kafe ondoko gozokiak. Argazkian, Maria Zelaia Sirokako lehen diskoaren aurkezpenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun