Etzi, ostiralarekin, urtero martxoan ospatzen duten Arriluzeko Itsas Gurutze Gorriaren aldeko gala hartuko du Abrako Erret Itsas Klubak. Gaueko 21:30etik aurrera, Areetako elkarte aristokratikoak gonbidatuentzako cocktail-a eta afaria eskainiko ditu. Ondoren, besteak beste, tokiko arropa-denden moda desfilea izango da, bertan 30 bat modelo boluntariok parte hartuko duela. Jantzien truke eta afarian aterako den etekin guztia Arriluze kaian dagoen Itsas Gurutze Gorriaren estazioari emango diote antolatzaileek, erreskate lanetan egiten duten lan handiarekin jarrai daitezen. Besteak beste, Blanca Roncal Azanza Eusko Legebiltzarreko lehen lehendakariordeak ekimenean parte hartuko duela baieztatu du. Argazkian, Arriluzeko boluntarioak erreskate praktikak egiten Plentzian / cc-by Irekia.net - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun