Bestelako lanak
Willy Uribek honako eleberri hauek idatzi ditu: "Nanga", "Se que mi padre decia", "Revancha" eta "Cuadrante Las Planas". Halaber, surfaren munduaren inguruan liburu batzuk argitaratu ditu bere kabuz : "Cronicas del salitre", "A vueltas con la marea" eta "Surf Stimulador". Laster "Se que mi padre decía" eleberria kaleratuko da Frantzian Rivages argitaletxearen eskutik. Horretaz gain, makina bat argazki liburu argitaratu ditu, batez ere surf girokoak.
Sopelan bizi den Willy Uribe idazle eta argazkilari getxoztarrak "Los que hemos amado" bere azken eleberria aurkeztuko du bihar Algortan. Aurkezpena Algortako kultur etxean izango da, arratsaldeko 7etan eta, Uriberekin batera, Ramiro Pinilla idazleak, Lucia Martinez Odriozola kazetariak eta Enrique Murillo argitaratzaileak parte hartuko dute. 2010eko Eleberriaren Tusquets Sariko finalista eta 2009 Silverio Cañada Sariaren irabazle, Uribek engainua, diru-gosea, gezurra eta traizioa dakartzan trama bildu du "Los que hemos amado" lanean, amodio istorio berezi batez jantzia. Horren protagonista, Maroko hegoaldera olatu handien bila bidaiatuko diren Getxoko gazte bikote bat da. Lan berrian, narratzaile ahaltsu eta berezi erakutsi du bere burua Uribek. Aurkezpeneko antolatzaileen ustez, "bere istorioak azalekoak izan arren, bere liburuetan agerikoa da betiere indarkeriarekin bizitzen ikasi duen gizarte baten sakontasuna".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun