Martxa apirilaren 2an, larunbatarekin, hasiko da eta Eskuinaldeko kostaldea zeharkatuko du, Plentziatik Lamiakora. Ondoren, Bizkaiko Zubia gurutzatu eta Santurtziko La Kelo gaztetxean lo egingo dute. Apirilaren 3an, igandearekin, martxak Meatzaldetik jarraituko du, Muskizen amaitu eta Petronorreko Coke plantaren eta hondartza dragatzearen kontra ari den herri mugimenduarekin bat egiteko. Dagoeneko talde ugarik eman diote atxikimendua Bizkaia Benetan Maite koordinadorak zabaldutako adierazpenari. Uribe Kosta eta Erandion ondokoak ditugu: Uribe Kostako LZPren Aurkako Asanblada, Lamiakoko Araztegiaren kontrako Herri Ekimena, Eguzki, Talaia, Txipio Bai, Getxoko Andra Mariko Auzo Elkartea, Zubietako Auzo Elkartea, Getxo Antenarik Ez, Aldapan Bizi, Gobela Ibaiak Kaltetien Elkartea, San Nikolas-Antzoki Auzo Elkartea, Plentzia ta Gorlizko Gazte Asanblada, Udondo gaztetxea (Leioa), Plaza Beltza herri kultur-gunea (Sopela), Sopelako gazte mugimendua, Itzubaltzeta gaztetxea, Leioako Gazte Asanblada eta Berango Eraikitzen herri plataforma.
Egitaraua:
Martxoak 26, larunbata
11:00 Txalaparta eta bertsolariak.
11:30 Prentsaurrekoa.
12:00 Basordara martxa eta zentralaren inguruko hitzaldia.
14:00 Batukada eta musika taldea.
14:30 Pintxoak.
Apirilak 2, larunbata
09:30 Plentzia.
Barrika.
12:00 Sopela (Atxabiribil).
13:30 Azkorri (parkinga).
Getxo.
15:30 Algorta (Kirikino).
Portu Zaharra
18:30 Itzubaltzeta / Romo (Itzubaltzeta).
18:45 Lamiako.
19:45 Bizkaiko Zubia.
Portugalete.
20:30 Santurtzi (La Kelo).
Apirilak 3, igandea
10:00 Santurtzi.
Bidegorri (pasabidea).
12:00 Ortuella (BBK).
13:00 Gallarta.
Las Carreras.
Muskiz (frontoia).
"Ingurumena erasotzen duten makroproiektuak gelditzearen beharraz" ohartarazteko, Bizkaia Benetan Maite koordinadora osatu dute hainbat eragilek. Horrekin batera, egitasmo horiek kokatzen diren herrien "erabakitze eskubidearen defentsa" eta, "Bizkaia nolakoa izango den erabakitzeko, herritar guztien eskubidea" aldarrikatu nahi dituzte. Lurraldea jasaten ari den egoera lekuan leku salatzeko, bi atal izango dituen martxa deitu dute. Batetik, larunbat honetan, martxoak 26, plataformaren aurkezpena egingo dute Armintzan, 11:00etatik aurrera. Bertan, prentsaurrekoa izango da. Eta ondoren, Lemoizera joango dira, Talaia kolektiboak zentral nuklearraren kontrako borrokak zer suposatu zuen gogoraraziko duela. Ildo horretan, gaur egun zentralak bizi duen egoera eta etorkizunean izan daitezkeen proiektuak aztertuko dituzte. Azkenik, Armintzara bueltatu eta musika eta pintxoak egongo dira. Argazkian, abenduaren 18an dozenaka getxoztarrek eman zioten ezezkoa Lurralde Zati Planari, Azkorrirainoko martxan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun