Egutegia:
Martxoak 21, astelehena: Lurralde antolaketa, 19:30ean.
Martxoak 22, asteartea: Hezkuntza eta Euskara, 19:30ean.
Martxoak 23, asteazkena: Kultura eta Kirola, 19:30ean.
Martxoak 25, ostirala: Politika feminista, 18:00etan.
Martxoak 29, asteartea: Gazte politika, 19:30ean.
Martxoak 30, asteazkena: Herri eredua, 19:30ean.
Martxoak 31, osteguna: Politika soziala, 19:30ean.
Leioaztar guztien iritziak, kezkak eta nahiak jasotzeko asmoz, atzo, astelehena, abiatu zituen herri jardunaldiak tokiko ezker abertzaleak. Martxoaren 31ra arte luzatuko dira saioak, bakoitzean gai zehatz bati buruz hitz egingo dute. Atzokoan, lurralde antolaketaren inguruan jardun zuten. Izan ere, aipatu jardunaldien bitartez osatuko dute Leioatako herri programa. Hartara, oso garrantzitsu deritzote herritarrek zuzenean parte hartzeari. Eztabaida saio guztiak 19:30ean izango dira, Kurkudi herriko tabernan; hilaren 25ekoa izan ezik: 18:00etan izango da. Eztabaidarako oinarrizko txostenak ere eskura daitezke interneteko ondoko helbidean: www.leioatik.org. Argazkian, egunotan galdeketak banatzen ibili dira etxez etxe zein kalean jarritako informazio guneetan / © Leioako ezker abertzalea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun