1987. urtetik emititzen daramagun lokalek historia berezia dute. 1986an sartu eta erabiltzen ez ziren lokal horiek auzotarrek konpondu zituzten, inolako hitzarmenik egon baino lehenago. Lokaletan sartu ostean Udalak Auzotarren Elkarteari laga zizkion eta, era berean, elkarteak Irola irratiari. Gune honetan ia 25 urte daramatzagu emititzen eta bertan beste horrenbeste jarraitu nahi dugu.
Nahiz eta Irola irratiaren egoera jada kritikoa ez dela esan dezakegun, direla aste batzuk bezala egoera zaila dugu, egoera berriak zer ekarriko duen ez baitakigu, oraindik ofiziala ez den egoera.
Bestalde egoera arazotsu honetan kolektiboek, irrati libreek eta abarrek emandako laguntza eta babesa eskertu nahi dugu eta auzoko gune libreen beharrarekin bat egin nahi dugu, oinarrizko mugimenduek eta gazteek kudeatutako guneen beharra.
Irola irratia irrati aske asanbleario eta autokudeatua da, pertsona askoren eginahalekin eraikia. 2011-2012ko hurrengo denboraldian Irratiaren 25. urtemuga ospatuko dugu eta zuokin guztiokin batera beste 25 urte betetzea espero dugu. FMko 107.5ean zein www.sindominio.net/irola webgunean entzun gaitzakezue.
Irola irratiaren batzarra
Direla aste batzuk, Irola irratiko Asanbladatik Iralako lokaletan irrati-etxearen iraunkortasunaren arriskua azaltzen zuen komunikatua argitaratu genuen. Udalak bidali zizkigun gutun batzuek lokalen kudeaketarako hitzarmena bertan behera geratzen zela zioten, hitzarmen horren hainbat puntu ez betetzea leporatzen ziguten. Aurreko komunikatuan erabaki honekiko desadostasuna azaltzen genuen. Egoera aldatu egin da, Udalari beharrezko alegazioak egin eta zinegotzigoarekin bi batzar izan eta gero, egun Irola Irratia bere lokalean mantenduko dela esan dezakegu. Argazkian, Irola irratiko estudioak urtarrilaren 29an zabaldu ziren berriro, Ertzaintzak Iralako lokalak 24 orduz itxita izan ondoren / cc-by-nc Irola irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun