Egungo egoera politikoari buruz arituko dira gaur Sopelan
2011ko mar. 23a, 11:18
Meñakoz kultur elkarteak "Memoria historikoa eta egungo egoera politikoa" lelopeko saioa antolatu du gaurko, Sopela.net agerkari digitalak zabaldu duenez. Hitzordua iluntzeko 7:30ean jarri dute, Kurtzio Kultur Etxean. Gainera, solasaldiari ekin aurretik, ikusentzunezko proiekzio ere izango da, aipatu dutenez. Ekitaldian Txema Uriarte Euskal Memoria kolektiboko kideak eta Gizarte Ikerketarako Talde Eragilearen (Gite-Ipes) laguntzaile Lurdes Rodriguezek hitza hartuko dute. Duela urte eta erdi inguru hasi zuen bere bidea Euskal Memoria Fundazioak Iruñean. Ordutik boluntario sarea osatzen aritu dira, herriz herri eta auzoz auzo egitasmoa ezagutarazten eta Euskal Herriaren historia zein memoria kolektiboaren berreskurapenean jarduteko. Argazkian, zalantzarik gabe gorenean dagoen gaia da gaur jorratuko dutena.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun