Barrikako Udalak hirugarrenez antolatu du San Juan jaiak iragarriko dituen kartela aukeratzeko lehiaketa (pdf). Lanek ondoko esaldia izan beharko dute idatzita: “Barrika, Jon Deunaren Jaiak 2011”. Bere neurria 30x40 zentimetrokoa izan behar da, etzan gabe eta euskarri zurrunean egina. Kartelaren irudia CD edo DVD batean ere aurkeztu beharko da, PC bateragarria dena eta JPG formatuan. Eta horrekin batera egilearen datu pertsonalak itxitako gutun azal baten barruan. “Jon Deuna 2011 Kartelen Lehiaketa” leloa idatzita eduki beharko du kartazalak. Saria bakarra izango da: irabazleak 500 euro jasoko ditu. Hala ere, eman gabe utzi daiteke "aurkeztutako kartelek kalitate nahikoa ez badute", udal iturriek zehaztu dutenez. Sari banaketa maiatzaren 6an egingo dute, arratsaldeko zazpietan, Barrikako kultur etxean (Udaletxeko Bidea 2). Hain zuzen ere, bertan entregatu beharko dira lanak, epemuga apirilaren 16a dela. Argazkian, otsailaren 3an San Blas eguna ospatu ohi dute barrikoztarrek.
Aurkeztutako kartelak Barrikako kultur etxean eta udal webgunean izango dira ikusgai. Saritutako lanaren jabea Barrikako Udala izango da eta bere esku egongo da erakusgai jarri, berregin edo argitaratzeko eskubidea. Argibide gehiago, Barrikako kultur etxean (Udaletxeko Bidea, 2 - Txintxilandia), 946 775 163 telefono zenbakian edo udaleko webgunean: www.barrika.net
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun