Bizkaiko Foru Aldundiaren Gobernu Kontseiluak ontzat jo zuen atzo Getxoko Kultur Etxearekin sinatuko duen lankidetza-hitzarmena, erakunde getxoztarrak 2011n egingo dituen jarduerak zati batean finantzatzeko. Guztira, 225.000 euroko diru-laguntza emango diote. Hitzarmen horren bidez, Getxoko Kultur Etxea udal erakunde autonomoaren honako programa hauek lagunduko ditu diruz Bizkaiko Foru Aldundiak: Getxo Jazz, Folk Jaialdia, Antzerki Jardunaldiak, Getxoarte, Komiki Azoka, Getxo Blues eta Udaberriko Kontzertuak. Bestalde, Bizkaia Zubia kudeatzen duen Transbordador de Vizcaya SL sozietateak 25.800 euroko diru-laguntza jasoko du, oinezkoentzako pasabidean egingo diren jardueretarako. Museo erakunde batzuen jardueren finantzazioa sustatzeko subentzioen artean kokatu du partida hori Aldundiak. Gogoratu dutenez, zubia monumentu historiko-artistiko eta gizadiaren ondaretzat jo zuen UNESCOk 2006an. Argazkia: © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun