Pasa den astelehenetik, "Berria" nazio egunkariaren agerkari elektronikoan, Berria.info-n, irakur daitezke Uribe Kosta eta Erandioko albisteak. Izan ere, "Tokiko Informazioa" atalean, Berria.info-k zazpi "Hitza" egunkarien eta dozenaka herri aldizkarien informazioak biltzeari ekin dio, RSS jario elektronikoez baliatuz. Unean-unean, bertako menuan aukeratutako komunikabidean agertutako azken bost albisteak irakurtzeko aukera dago. Gainera, behin intereseko herri edo eskualdea aukeratuta, nabigatzaileak akorduan gordeko du, hurrengo saioetan bilaketa arinduz. Aipatu zerbitzua EKT-k osatzen duen Berria taldeak eta UKBERRI.NET kidea den Euskaldunon Elkarteen Topaguneak sinatutako akordioan oinarritzen da eta kontrako norabidean ere jasotzeko aukera ematen du. UKBERRI.NETek datozen asteotan jarriko du martxan nazio albisteen gaineko zerbitzua. Argazkian, Joanmari Larrarte EKTko kontseilari ordezkariak eta Jasone Mendizabal Topaguneko zuzendariak sinatu zuten akordioa / cc-by-nc-sa Dani Blanco - Topagunea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun