Oso ondo zaindutako proiektua
Teknikoki azken belaunaldiko 5.000 leeds baino gehiagoko proiektu bat da, kontsumo oso baxua du eta 284 proiektagailu instalatuta daude. Argiztapen-kontrola Abu Dhabiko 1 Formulako zirkuitu berrian arrakasta handiarekin probatu da. Proiektagailuak aukeratzeko eta obra bere osotasunean egikaritzeko garaian garrantzia handia eman zaie, alde batetik, horman integratzeari; eta bestetik, ingurunearen oldarkortasun handiari itsas giroa dela-eta. Arrazoi horiengatik, tamaina txikiko proiektagailuen alde egin da, baina Getxoko itsas ibiltokiaren ertzetik kilometro bateko eustea proiekta dezakete. Era berean, 444.954 euroko inbertsioa ekarri duen instalazio elektriko eta ingeniaritzako instalazio guztia, Udalak zehatz-mehatz aztertu du zorroztasun-maila handiarekin, eta muntaketa munduan egin den era honetako instalazio ikusgarrienetakoa da.
Erakarri eta hunkitu
Argiztapen-sistema berri honek ikuslea hunkitzea du xede, kostaldearen gune ederra kolorearen arabera era aldakorrean ikusiz. Turismo Bulegoak Getxoko herritarren eta bisitatzen gaituzten esku jartzen duen eskaintza espezializatuaren erakargarritasun-elementu berri bat bihurtu da. Proposamen hori bisita gidatu eta antzeztuekin osatzen da: Bizkaiko Zubirako bisita turistikoekin; Portu Zaharreko ibilbideekin, Etxe Handiak ikusteko pasioekin, Getxo Taxi Tour programarekin, Getxo Aquarium-eko bisitekin, edo “Euskal Kostaldea belak zabalik” ekimenarekin.
Aukera horietako edozein edo Getxoko Udalak eskaintzen dituen zenbait ekitaldi garrantzitsu (Jazz, Blues edo Folk Jaialdiak, Getxo Seaweek, Eskulangintza Azoka…) era harrigarrian amaitu ahal izango dira, Abrara ematen duten kostaldeko zati horretan Getxok duen behatokietako batetik argi-ikuskizun berritzaile hori ikusita, proiektatzen diten hainbat forma eta kolorerekin. Turismo Bulegoaren bidez, bisita horietarako erreserbak egin daitezke, eta baita udalerriko ostalaritza-instalazioetan ostatu hartzeko erreserbak ere.
![areeta-kaia-argiztapena](http://farm6.static.flickr.com/5069/5559171884_6c92459aae.jpg)
![areeta-kaia-argiztapena](http://farm6.static.flickr.com/5141/5558592825_8f9da3e607.jpg)
![areeta-kaia-argiztapena](http://farm6.static.flickr.com/5296/5558592613_b14e0965ea.jpg)