Larunbatean Armintzara joandakoek Lemoizko zentral nuklearraren historia gertutik ezagutzeko aukera ere izan zuten, ondoren portu ingurura bueltatu eta lunchaz gozatzeko. Bestalde, adierazpenari atxikitzeko aukera badagoela adierazi dute Bizkaia Benetan Maite plataformaren sustatzaileek.
Hona hemen asteburuko martxaren egitaraua:
Apirilak 2, larunbata
09:30 Plentzia.
Barrika.
12:00 Sopela (Atxabiribil).
13:30 Azkorri (parkinga).
Getxo.
15:30 Algorta (Kirikino).
Portu Zaharra
18:30 Itzubaltzeta / Romo (Itzubaltzeta).
18:45 Lamiako.
19:45 Bizkaiko Zubia.
Portugalete.
20:30 Santurtzi (La Kelo).
Apirilak 3, igandea
10:00 Santurtzi.
Bidegorri (pasabidea).
12:00 Ortuella (BBK).
13:00 Gallarta.
Las Carreras.
Muskiz (frontoia).
Ikusi larunbateko argazkiak:
Lurraldeko hainbat bazterretatik gerturatutako lagunak bertan zirela, joan den larunbatean egin zuten Bizkaia Benetan Maite plataforma aurkezteko ekitaldia (mp3), Armintzako portu inguruan. Ttakun doinuak eta bertsoak entzun ostean irakurri zuten dagoeneko 46 eragilek izenpetu duten adierazpena. Bi dira ekimenaren oinarri nagusiak: batetik, "ingurumena erasotzen duten makroproiektuak gelditzearen beharraz" ohartaraztea. Eta bestetik, egitasmo horiek kokatzen diren herrien "erabakitze eskubidearen defentsa" eta, "Bizkaia nolakoa izango den erabakitzeko, herritar guztien eskubidea" aldarrikatzea. Bide horretan, apirilaren 2an, larunbatarekin, abiatuko dute martxa erreibindikatiboa eta Eskuinaldeko kostaldea zeharkatuko du, Plentziatik Lamiakora. Ondoren, Bizkaiko Zubia gurutzatu eta Santurtziko La Kelo gaztetxean lo egingo dute. Apirilaren 3an, igandearekin, martxak Meatzaldetik jarraituko du, Muskizen amaitu eta Petronorreko Coke plantaren eta hondartza dragatzearen kontra ari den herri mugimenduarekin bat egiteko. Argazkian, aurkezpena Armintzan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun