Rafa Alkorta jokalari zurigorri ohiak, bere aldetik, iazko esperientziarekin pozik, zehaztu du gurasoei zerbitzu on bat eman nahi zaiela. Horrez gainera, “gaztetxoek ekipoan, taldean, egingo dute kirola eta horri esker adiskide berriak ezagutu eta etorkizunean eurentzat baliagarri izan daitezkeen beste gauza asko egin ahal izango dituzte”.
Informazio zehatzagoa: Getxoko Kirol Campusak.
Aste Santuan 300 neska-mutili emango diete kirola egiteko aukera Getxoko bederatzi taldek
Aste Santu honetan, udalerriko 6 eta 18 urte arteko neska-mutilei zuzendutako jarduerak eskainiko dituzte udalerriko bederatzi kirol talde getxoztarrek. Getxo Kirolak udal erakundearekin elkarlanean, gimnasia erritmikoa, eskubaloia, errugbia, saskibaloia, igeriketa, tenisa, surfa edota futbola praktikatzeko aukera emango diete tokiko haur eta gazteei. Guztira, 300 bat lagunentzako tokia egongo da, Imanol Landa alkateak gaur aurreratu duenez. Berarekin batera agertu dira Alvaro Gonzalez Kirol zinegotzia eta Athletic-eko jokalari ohi Rafa Alkorta eta Patxi Ferreira. Futbol campusaren zuzendaritza teknikoaz arduratuko dira horiek. Imanol Landak aipatu du (mp3) eskaintza horrekin bi lehentasun bete nahi direla: “batetik, umeen aisialdia eta kirola egitea uztartu nahi dira; jarduera osasungarria delako kirola eta honen berezkoak diren baloreak transmititzen direlako, gure gaztetxoen heziketa aldian ezinbestekoak direnak. Eta bestetik, gurasoen lana eta familiako bizitza bateratu nahi dira eskolako oporraldietan”. Argazkia: © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun