"Artea aldatzen ari da jasangarriagoa izan dadin. Horren froga da, arte tradizionalaren jasangarritasun eza dela eta, jada ez dela pintatzen. Pintura diziplina sostengaezina da, une honetan ez delako errentagarria ondo egindako pintura banakako, pertsonal eta bakar bat ekoiztea", gaineratu du Badosak. "Fabrikart" aldizkariaren zenbaki berrian jasangarritasunaren inguruko hainbat hausnarketa biltzen dira, besteak beste, beiraren ekoizpena, ziberkultura edo identifikazio bisualen prozesuak bezalako alderdi artistikoetara aplikatuta. Hamasei ikerketa artikuluez gain, aldizkariak gaur egungo gizartean arte-kulturaren aitorpen eta aintzat hartzearen alde egiten duten argitalpen eta albiste argitaratu berrien zerrenda ere eskaintzen du, ikerketa espezifikoak egin ahal izateko oinarri bezala erabiliak izan daitezkeenak.
2000. urtean
"Fabrikart" aldizkaria 2000. urtean atera zen argitara lehen aldiz. Bere jatorritik artearen garapena aztertzen du teknologiaren, industriaren, gizartearen eta artearen beraren ikuspuntuetatik. Jende gutxik uste zuen orain 11 urte hain desberdinak diruditen eremu horiek gaur egun duten loturak izango zituztela. Lehenengo zenbakitik, "Fabrikart" EHUko Argitalpen Zerbitzuak publikatzen du eta Arte Ederretako Fakultateak editatzen du, Industria Ingeniaritza Goi Eskola Teknikoa, Arkitektura Goi Eskola Teknikoa eta Balioen Filosofia, Ikus-entzunezkoen eta Soziologia sailen lankidetza estuarekin.
Jasangarritasunaren eta artearen arteko lotura aztertu dute EHUren "Fabrikart" aldizkariaren zenbaki berrian
Euskal Herriko Unibertsitateak (EHU) diziplinarteko izaera duen "Fabrikart" aldizkariaren bederatzigarren zenbakia argitaratu du, eta bertan, artearen munduari buruzko ikerketa lan esanguratsuak aurki daitezke; teknologia, industria, soziologia eta artearen ikuspuntutik. Aldizkariaren ale berria 2009 eta 2010 urteei dagokie eta bere artikulu guztiek jasangarritasunaren eta artearen artean dauden loturak aztertzen dituzte. Aldizkariaren arduradunek jakinarazi dutenez, "jasangarritasuna" kontzeptua ekologiarekin eta naturaren zaintzarekin erlazionatzen zen hasieran eta. Ondoren, hitz horren erabilera ekonomiara eta, ondorioz, baita produktibitatera ere zabaldu zen. Gaur egun, arteak ere kontzeptu hau barneratu behar izan du. "Artea elementu bat gehiago da gizarte aldakor honetan eta, beraz, gaur egun, diziplina honetan ere dena egiten da merkatuaren eta produktibitatearen arabera", adierazi du Luis Badosa EHUko Arte Ederretako Fakultateko katedradun eta "Fabrikart" aldizkariaren zuzendaritza batzordeko kide eta sustatzaileak. Irudia: © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun