Bestalde, Josu Bergara Berdintasunerako eta Herritarren Eskubideetarako foru zuzendariak ere bere poztasuna agertu zuen erakusketarekin Bizkaiko ahalik eta herritar gehienengana garapeneko alorrean egindakoaren berri zabaldu ahal izateagatik, “helburua azken lau urteotan, ia 50 milioi euroko zenbatekoarekin, 277 gobernuz kanpoko erakundeek aurrera eramandako proiektuen xehetasunak agerian uztea baita”. Ekitaldian ere izan zen Pilar Oronozek (mp3), udalerriko garapeneko lan taldeko ordezkariak, adierazi zuen mota honetako ekimenak oso interesgarriak direla, "guretzat oso garrantzitsua delako egiten duguna, diruaren erabilera eta proiektuetako pertsonen historiak herritarrei ezagutzera eman ahal izatea".
Bizkaiko Foru Aldundiak azken lau urteetan sustatutako "Bizkaia 0,7" erakusketa ibiltaria Itzubaltzeta / Romoko Gobela kiroldegian egongo da ikusgai, apirilaren 28a arte. Bilbon eta Galdakaon izan ondoren heldu da lankidetzako garapenari buruzko mostra bertara. "Udalerri solidario batera heldu da, eta berton, Udalak, herritarren sentsibilitatea jasotzea baino ez du egiten, lankidetzarekiko eta herri behartsuenekiko konpromiso argia erakutsiz", adierazi zuen asteleheneko prentsaurrekoan Imanol Landa alkateak (mp3). Ildo horretan, Getxoko Udalak 594.000 euro dedikatuko ditu 2011n lankidetzako garapenera. Landak poztasuna agertu zuen erakusketa udalerrian ikusi ahal izango delako, "Diputazioarekin aurrera eramandako elkarlanaren beste adierazpen mota bat delako" eta, "krisi garaian egon arren, Udalak elkartasunarekiko konpromisoa mantenduko duelako, Aldundiak egiten duen bezala". Argazkian, erakusketaren aurkezpena astelehenean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun