Alderdi federalistak Berangorako egindako beste proposamen batzuk dira Parte Hartze zinegotzia izendatzea, Bigarren Hezkuntza institutua eraikitzea eta auzoak osasun-etxearekin, metroarekin, udaletxearekin eta udalerriko beste gune estrategikoekin lotuko dituen autobus linea bat sustatzea.
Azkenik, Uribe Kostako Ezker Batuak deialdia egin die auzotarrei udal hauteskundeetan laguntzeko. Honela dio, hitzez hitz, zabaldutako mezuak: "jende gaztea, ezkertia (sic), errepublikanoa, berdea, ekologista, feminista, solidarioa… behar dugu Uribe Kostatik hurrengo hauteskondetan (sic) Ezker Batua-Berdearen (sic) zerrendan joateko.
Uribe Kostakoa bazara ala (sic) hemen bizi bazara… Anima zaitez!! Eta bidali emai (sic) bat:
areas@ezkerbatua-berdeak.org. Zure zain gaude!".
Amaia Aparicio eta Koldo Martinez izango dira EBren hautagaiak Getxon eta Berangon
Amaia Aparicio Barrikako zinegotzi ohia izango da Getxo Udalerako alkategaia, Ezker Batuak gaur jakinarazi duenez. Berangon, ordea, Koldo Martinezek errepikatuko du zerrendaburu bezala. Martinez aho batez izendatu zuen Berangoko EBren asanbladak eta adostasun berarekin berretsi zuen Bizkaiko Batzar Iraunkorrak. Horrela, hirugarren aldia izango da Berangoko alkategai aurkezten dena. Oraingoz, beti eskuratu du zinegotzi jesarlekua. Bere ondoan zerrendan Francisco Javier del Campo Berangoko Futbol Taldeko presidenteordea izango da. Berangoko EBk jendarte ordezkaritza zabala izango lukeen Hirigintza Aholkularitza Kontseilua sortzea, Hirigintza Arautzeko Plan Orokorra (HAPO) aldatzea eta herri-kontsultan bozkatzea eta udal kiroldegia "EAJk nahi duena baino toki hobean eta gastu ekonomiko gutxiagokoz" egitea proposatu ditu. Argazkian, Koldo Martinez / © Berangoko Ezker Batua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun