Urdulizko Basartena tabernak laugarren urtez antolatu du film laburren lehiaketa. Lanak apirilaren 30era bitartean entregatu beharko dira, Elortza kaleko 19. zenbakiko ostalaritza establezimenduan. Finalerako aukeratutako hamabi film laburrak, berriz, Urdulizko Kultur Etxean egongo dira ikusgai, uztailaren 23an; baita Plentzia Telebistan ere. Koldo Serra, Borja Crespo, Patxi Urkijo, Amaia Nerekan eta Aitor Elorriaga zinegileek aukeratuko dituzte horiek. Aipatu azken egun horretan jakinaraziko dituzte irabazleen izenak. Sariei dagokienez, fikziozko lanik onenak 600 euro eta garaikurra jasoko ditu; baita animaziokoak ere. Zine eskoletako zein euskarazko ikus-entzunezkoen artean, berriz, obra bana sarituko dute; 300 euro eta garaikurrarekin. Lehiaketaren oinarriak www.basartena.com webgunean daude ikusgai. Argazkian, Basartena tabernako arduradunak Javier Bilbao Urdulizko alkateordearen, gaurko aurkezpenean / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun