Diru bilketa iganderako utzi dute Erandion. Astrabuduan arropa salgai egongo da eta Goikolandako ikasleek euren dantza bertan egingo dute, eguerdi aldera. 12.00etan gelditu dira, Astrabuduan, Primera Linea tabernan; eta Altzagan, Santi tabernan. Leioan ere domekan egingo dute Korrikaren aldeko diru-biltzea, Berbalamiñe euskara taldeak aurreratu duenez. Baina, ez pentsa diru bilketa arrunta izango denik, ezta gutxiago ere. Triki-poteoa egingo dute batera. Hitzordua 12:00etan jarri dute, Ikea Barri plazan. Bitartean, ezin ahaztu larunbatean izango den Sopelako Esaera Zaharren Txapelketa.
Bestalde, hurrengo astean ere ez da ekimenik faltako. Besteak beste, astelehenean, apirilak 4, Korrikaren aurkezpena egingo dute 19:00etan, Plentziako Jentilbaso AEK euskaltegian. Hurrengo egunean, beste horrenbeste egingo dute, 19:00etatik aurrera, Gorlizko euskaltegian. Asteartean ere "Sekula bai!" antzerki kabareta egongo da ikusgai, Altzagako azoka zaharrean. Iluntzeko zortzietan hasiko da saioa, sarrera doan. Itzubaltzeta / Romori dagokionez, ostegunean, bertsomagia saioa eskainiko dute Tor magoak eta Fredi Paya eta Etxahun Lekue bertsolariek. Ekitaldia 20:00etan izango da, Anaiak tabernan, "Billares" gisa ezagunagoa.
Trebiñurako autobusa
Apirilaren 7an, Korrikaren hasierara, Trebiñura, joan nahi duenak, Uribe Kosta eta Erandion ere izango du horretarako aukera. Autobusa 8 eurotan egongo da eta ondoko leku eta orduetan hartuko du jendea:
- Gorliz (Motan) 14:30ean.
- Plentzia (Charterren) 14:35ean.
- Sopela (eliza aurrean) 14:45ean.
- Berango (kultur etxean) 14:50ean.
- Algorta (Txikia plazan) 15:00etan.
- Itzubaltzeta / Romo (elizan) 15:05ean.
- Leioa (Itxasbiden) 15:10ean.
- Erandio (gasolinoan) 15:15ean.
Autobusa 19:30ean egongo da bueltan. Izena emateko: 946 773 646, 944 304 734 eta 944 646 063.
Korrikaren aldeko hainbat ekimen izango dira asteburuan Uribe Kostan eta Erandion
Astebete baino ez da falta Korrikaren 17. edizioa Trebiñutik. Hori dela eta, euskararen lasterketaren aldeko ekitaldiak biderkatuz doaz Uribe Kosta eta Erandion. Gaur bertan, Korrika aurkeztuko dute Berangon. 19:30etik aurrera, ibilbidearen xehetasunak ezagutu, aurtengo bideoa ikusi eta materiala (kamisetak, jertseak...) erosteko aukera izango da Berangoetako kultur etxean. Bihar, ostirala, gauza bera egingo dute Algortan, bideoaren proiekzioa eta luncha egongo direla. Hitzordua 20:30ean jarri dute, Piper's taberna irlandarrean. Hala ere, aurretik Korrikaren aldeko diru bilketa egingo dute. Lagundu nahi duenak 18:30ean Lauaxeta AEK euskaltegira hurbiltzea besterik ez dauka. Erandio Landan, berriz, kanta poteoa prestatu dute biharko. Horrenbestez, 19:30etik aurrera, Kantagunea ibiliko da, eta haiekin batera, Gurari txistulariak, Goikolandako ikasleek Korrikarako prestatutako dantza, Korrika spota, argazkiak, arropa erosteko aukera... eta sorpresa gehiago. Hala ere, ordu bete lehenago hasiko dira prestaketa lanetan. Hartara, lagundu nahi duenari plazara gerturatzeko eskatu dio Berbots euskara taldeak. Argazkian, Korrika Algortan barrena duela bi urte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun