Ondarean Folk jaialdian 200 musikarik baino gehiagok joko dute bihar Altzagan
2011ko api. 1a, 19:02
Euskal Herriko hainbat txokoetatik, Salamancatik eta Aragoitik etorritako 200 musikari baino gehiago elkartuko da, larunbat honetan, apirilak 2, Altzagan, Ondarean Folk jaialdiaren bosgarren edizioa ospatzeko. Albokari, bertsolari, dantzari, fanfarre, gaitari, trikitilari, txistulari, txalapartari eta txirula-jotzailez osatutako taldeak ibiliko dira Altzagan barrena, Ahaire Kultur Elkarteak antolatuta. Horrenbestez, 17:00ean hasiko dira ekitaldiak, talde guztiak metro geltoki ondoko zabalgunean bilduta. Bertatik abiatuta, kalejiran ibiliko dira. Irailaren 23a plazan (udaletxea), metro ondoko zabalgunean eta ontziraleku ondoko pasealekuan ere emanaldiak eskainiko dituzte taldeak. 19:15ean, berriz, euskal erromeria izango da udaletxe aurrean. Egunari bukaera emateko Salamancako Mayalde eta Aragoiko Lurte taldeek eskainiko dute kontzertua, 20:00etan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun