Enpresa Sorkuntza eta Garapenerako Agentziak (DEMA) eta Bizkaiko Foru Aldundiko Ekonomi Sustapen Sailak “Enpresari” izeneko ideien eta proiektuen lehiaketako sariak banatu dituzte gaur Bilbon. Bizkaiko 18 gaztek jaso dute garaikurra hainbat jarduera ekonomikori (aisia, energia berriztagarriak, metala, automozioa, ostalaritza, zerbitzuak, abeltzaintza eta ikus-entzunezkoak) lotutako 10 proiektu aurkeztu dituztelako. Horien artean da Begoña Bilbao Valgañon Leioako Ostalaritza Eskolako ikaslea. "Celia & CO" egitasmoa aurkeztu du berak, hau da, elikadurarekin jasanezintasunen bat duten pertsonentzako janariak prestatu eta merkaturatzeko proiektua; lehiaketak laugarren eginez. Bestalde, bederatzigarren postuan geratu da Mikel Melcon Aristondo Erandioko Tartanga Lanbide Heziketa Zentroko ikaslea. Mutila Euskal Herrian, New Yorken eta Madrilen trebatu da, baina orain ikus-entzunezko ekoizpen zerbitzuak emango dituen bere enpresa sortu nahi du. Honakoak eskaintzen ditu: filmatzeko baimenen izapidetza, talde teknikoaren kontratazioa, eta abar. Begoña Bilbaok eta Mikel Melconek 500 euroko saria jaso dute. Argazkia: © Bizkaia.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun