Identifikazioak kanpoan zein barruan egin ostean, orman eskegita zegoen pankarta bat kendu eta eraman dute, Sopela.net agerkari digitalak zabaldu duenez. Iontxu Etxegarai identifikatutako bat izan da. Handik gutxira kalearen bi bazterretan jarri dira eta bildutako jendea berriro taberna barrura sartu da. Orduan, askatasuna berreskuratu duten lagunek haien argazkiak kendu dituzte. Zaurituei dagokienez, bi ospitalera eraman behar izan dituzte. Gazte batek buruan borrarekin jo dute eta odoletan utzi dute. Beste auzokide batek besoan kolpe gogor bat jaso du eta ospitalera hurbildu da. Gainontzeko biak buruan eta besoetan kolpe gogorrak jaso dituzte. Sopelako ezker abertzaleak eta errepresioaren kontrako mugimenduak gogor salatu dute poliziaren erasoa.
Ikusi Sopela.net agerkari digitalak zabaldutako bideoa eta irakurri informazioa:
Ikusi argazkiak (cc-by-sa Koska irratia):
Gabi Basañez eta Iontxu Etxegarairen harrera kolpeka desegin du Ertzaintzak
2011ko api. 4a, 23:52
Gabi Basañez eta Iontxu Etxegarairi Sopelan iluntzean egiten ari zitzaizkien harrera borra kolpeka desegin du Ertzaintzak. Lekukoek adierazi dutenez, 200 bat lagun udal pilotaleku aurrean batuta zeudela inguratu zaizkio Brigada Higikorreko bi dotazio eta polizia autonomikoaren beste furgoneta bat, Koska irratiko "Koskaberri" albistegiak aurreratu bezala (mp3). Ongi etorririk ezin zutela egin esan diete bertan batutakoei, "nahi izatekotan modu pribatuan egiteko". Gauzak horrela, presoen aldeko elkarretaratzea bukatuta, herriko tabernara zuzendu da jendea, ertzainak atzetik zituztela. Ostalaritza establezimendu barruan eskaini diete dantza eta bertsoa (mp3). Soinu ekipo txiki bat erabilita adierazpena irakurtzen hasi direnean, baina, "modu txarrean" baflea amatatzeko agindu diete poliziek, lekukoek nabarmendu dutenez. Orduan hasi dira bultzadak eta, segundo gutxitara, borra kolpeak (mp3). Hainbat tiro ere bota dituzte. Bildutakoen arabera, gutxienez lau zauritu daude; horietako bati burutik odola zeriola. Argazkia: cc-by-sa Koska irratia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun