Udalak "UK" aldizkariak euskararen erabileraren sustapenean duen eragina ontzat jotzen du, Getxoko Euskara Biziberritzeko II. Planarekin osagarritzat hartzen duela. Bestalde, 2010ean Boluntzarretak udal laguntzarekin "Akordaten naz II" dokumentala egin zuela eta horrek arrakasta handia izan zuela nabarmendu dute tokiko iturriek.
Azkenik, aurtengo berritasunen artean, Udalak utzita, "UK" aldizkariaren egoitza Martikoenako udal eraikinean daude. Euskalgintzako beste eragile batzuekin egoteak koordinazio handiago eta ekonomia-abantaila ekarriko die.
2005etik hona gertatu bezala, aurten ere "UK" aldizkariak 60.101 euroko ohiko diru-laguntza jasoko du Getxoko Udaletik. Horrela, zazpigarren urtea izango da eskualdeko euskarazko hamabostekariak diru berbera jasotzen duela, inolako igoerarik gabe. Udalak berak jakinarazi duenez, diru-laguntza Udalak Boluntzarreta Euskara Bultzatzeko elkartearekin indarrean duen hirugarren hitzarmenaren barruan kokatzen da. "UK", Uribe Kostako aldizkaria argitaratzeak dakartzan gastuei eta bestelako ekimenak garatzeko kostuei aurre egiten laguntzeko xede dauka 2009-2011 hitzarmen horrek. Aldizkariak 56 orrialde ditu eta iaz 19 zenbaki atera zituen, 4.000 aleko tiradarekin, guztira 76.000 aldizkari. Ale kopurutik 3.050 ale postontzietan banatzen dituzte eta gainontzekoetan euskaltegietan eta komertzioetan uzten dituzte. Gaur egun, "UK" aldizkariak 16.000 bat irakurle ditu eta iaz Interneterako jauzia eman zuen, www.ukaldizkaria.biz webgunearen bidez. Argazkian, "UK"-ko kazetari eta langileak 2008n, aldizkariaren 10. urteurrenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun