Horrez gain, lanerako batzorde iraunkorrak sortu dira ekintzak, prestazioak, kontraprestazioak eta hitzarmenetan dauden akordioak egikaritzeko moduak zehazteko, baita horiek eta euren edukia komunikatu eta promozionatzeko ekintza egokiak ere. Akordioek, beste ekintza batzuen artean, honako taldeen emanaldiak ekarriko dituzte:
Aragoi:
- CirteAni "Circo Ambulante" lana; edonorentzako zirku, antzerki eta animazio ikuskizuna.
- Los Titiriteros de Binefar (2009ko Ume eta Gazteentzako Antzerki Sari Nazionala) taldearen "Babios, pasacalles en Babia" lana.
- Proyecto D_Ruses-ek, dantza pieza berria estreinatuko du, "Citeaux", Jordi Vilaseca eta Mickael Marsok (Erresuma Batuko Decalege konpainia) sortua eta interpretatua.
Illes Balears:
- Mariantonia Oliver konpainia, bi ikuskizunekin: "nOu", familiarentzako dantza ikuskizuna; eta "Boutique", ezohikoa den espazioan jazoko den emanaldia.
Extremadura:
- Guirigai Teatro konpainia, "Camino del paraiso" lanarekin.
- Al Suroeste Teatro & Tuto Tul, "Naturaleza rota" antzerki eta clown uztarketa den ikuskizunarekin.
Euskal Kultur Erakundea:
- Kilikolo Zirko berriak "Bi" lana agertuko du.
Asociacion de Nuevo Circo Pistacinco:
Galizan lantzen dabiltzan zirku berriaren laginak:
- Lusco e Fusco konpainia, "Encuentros" lanarekin.
- Ringo Rango konpainia, "Ringo rango" lanarekin.
- Pyg Circus konpainia, "Goces" lanarekin.
- Malabaranda konpainia, "Residuo" lanarekin.
Leioako Kaleko Artisten Azoka sektore merkatua ere bada, urtero kaleko arte eszenikoak sustatzeari dedikatua. Tokiko iturriek azaldu dutenez, sortzaile berrien eta eskarmentu handiko artisten zerbitzura jarritako sarbide plataforma da Umore Azoka difusio zirkuituetarako; arte eszenikoen profesionalentzako topagunea. Antolatzaileek harreman ugari izan dituzte Leioan presentzia aktiboa izan nahi duten autonomia erkidego eta elkarte ezberdinekin, elkarlana sustatzeko asmoz. Aurtengo edizioan, hiru erkidego autonomo (Aragoi, Illes Balears eta Extremadura) eta bi elkarte (Ipar Euskal Herriko Euskal Kultur Erakundea eta Galiziako Asociacion de Nuevo Circo Pistacinco) batu dira "kooperazio kulturala eta autonomien arteko truke artistikoa areagotzea bezalako balioak sustatzeko helburu komunera". Horren emaitza da "egitarau propioa", Umore Azokaren marko orokorraren barruan. Argazkian, iaz plazaratutako ikuskizunetako bat / © Umore Azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun