Gaur egun 12-14 urte bitarteko gazteen taldea, 14-16 urtekoena, 16-20 urtekoena eta helduena daude eskolan, bost irakasleren ardurapean. Horiekin batera, eskolaren ardura den udalerriko ikastetxeetan bertsolaritza klaseen programan partaidetza handia (aurten 413 ikasle) dago.
Elkarteko kideek ikerkuntzan eta berrikuntzan lan handia egiten dute eta bertsolari jaialdiek eta ekitaldiek azken urteotan gorakada handia izan dute, Algortako Bertso Eskola erreferente bihurtuz jaialdi horien antolaketan. 2010eko ekitaldietan 6.350 bat lagunek parte hartu zuten parte eta 2011rako honako hauek antolatzea aurreikusten du Eskolak: Abra Saria, Bertso afariak, Bertsolari Gaztetxoen Eguna, Balkoitik Balkoira, Bertso Jaialdi Mundiala, Bertsoz Jairik Jai, Bihotza Gazte, Bertso Ikuskizuna, Balendin Enbeita Bertso Paper Lehiaketa eta Ahobien Gala.
Laguntzaz gain, Getxoko Udalak Martikoenako udal eraikineko bulego bat utzi dio ALBEri, euskalgintzako beste elkarte batzurekin batera egoteak beraien arteko koordinazio handiago eta ekonomia-abantaila ekarriko dizkiolako.
Getxoko Udalak Algortako Bertsolari Eskolarekin (ALBE) mantentzen duen hiru urteko hitzarmena beste urte baterako berritu du. Aurten, 42.000 eurotako laguntza emango die Udalak, iazko bera baina orain bi urte baino 12.000 gehiago. ALBEk bertsolaritza sustatzeko eta bertso jaialdiak antolatzeko helburuarekin aurkeztutako egitasmo berriak dakartzan gastuei aurre egiteko jasoko du diru-laguntza. Udalak gogoratu duenez, ALBEk 30 urte daramatza bertsolaritza eta euskara sustatze lanetan Getxon eta bere sorreratik hazkunde handia izan du. Argazkian, iazko Bizkaiko Bertsolari Txapelketan aritu ziren ALBEko zazpi bertsolariak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun